ورحمة أبويا عليا الحرام من دينى !! .. هتعمل معاه ايه ؟؟؟؟؟؟؟

فعلا هم يضحك وهم يبكى !!!

وكتييييييير بنقع في الموقف ده

تبقى قاعد مع حد كبير أو
حد صعب عليك تدعوه وتلاقيه بيحلف بالنبي صلي الله عليه وسلم وانت مش عارف
تقول ليه غلط إما محرج او حاسس ان ممكن تحصل مشكلة ..

إختصار عشان مطولش عليكم ..

دلوقتي لما حد بيحلف بغير الله

الاول انت محتاج منه انه يقول لا إله الا الله

وبعد كده تفهمه انه غلط الحلف بغير الله

يبقي كده مطلوب حاجتين

هقول تاني

انه يقول لا إله الا الله

وانه يعرف انه غلط الحلف بغير الله ..

هقولك طريقه سهله حصلت قدامي ..

ناس كتير جداً لما يحلف
بغير الله وانت تيجي تقوله قول لا اله الا الله ) بيزعل جداً وكانك بتقول
ليه يا كافر في وشه وانه كفر وخرج عن المله وانت بكده بتخليه ينطق شهادة
التوحيد من تاني ..

بيني وبينكم هي صعبه شويه علي قلب أي انسان عامي ..

طيب يبقي الكلام بالنسبه للشق الأول

لما تحب تخليه يقول لا اله الا الله ..

مثلاً واحد عمّال يقولك
وحياة ولادى انا روحت إمبارح عند إبراهيم والتاني يقولك والكعبه الشريفه
كنت هجيلك .. والتالت يقول والنبي متزعلش مني ..

انت بقا عايزه يقول الشهاده ( بدون إحراج )

تروح تقوله ايه

هو : والكعبه الشريفه كنت هجيلك إمبارح

إنت تقوله : تصدق بالله ؟

هو : لا إله الا الله (:

إنت تقوله : إنت راجل عسل هههههههه ( أو أي كلمه تليق بالموقف وحسب سن الي قدامك )

او مثلاً تقوله تصدق
بالله يروح هو يقول لا اله الا الله تقوله انت انا حبيتك في الله أو حبيتك
أول لما شوفتك وعشان كده عايز أقولك متحلفش بكذا تاني عشان غلط ..

يبقي كده لما قلت ليه الاولى خليتك تقدر تدخل معاه علي الشق التاني .. وهو انه يعرف ان الحلف بغير الله غلط ..

لكن ملحوظه مهمه
: ممكن يكون الموقف ميستحملش انك توضح ليه الجزء الثاني وهو انك تفهمه ان
الحلف بغير الله غلط ... فاكتفي أخي انك تنطقه الشهاده .. وبلاش تخرب
الدنيا .. وسيب الباب متوارب لحد غيرك يقدر يوضح ليه بعد كده ..

يعني هو مثلاً راجل كبير
وصعب منك انك تنصحه نصيحه كده فاكتفي بنطقه بالشهاده .. وبلاش تقول ليه
الباقي واترك بالباب متوارب معاه دعوياً عشان حد غيرك يكمل معاه ..

لكن لو انت نشفت دماغك هيكره الدنيا والي فيها والي عايشنها والملتزمين كلهم هههههههه ..

بس انا قلت اذكركم بالموضوع ده عشان لو حد بيقع فيه ..

()

بجد انا مش فارقه معايا اذا كان بيتحرك

ولا لا بس شكرا لجهدك و لتوضيحك الجميل ده

شكرا والموضوع جميل جدااا بجد شكرا للمجهود ولف استورى عنده كمان حق انه مش فارقة بيتحرك

او لا مش مشكلة المهم ان الموضوع مفيد جزاك الله كل خير

مشكروة جدا على هذه الفكرة الرائعة

وده مش حاجة جديدة عليكي دايما معودانا على المواضيع الجديدة المفيدة حتى لو بيتحرك

ة مافيش مشكلة

المهم ان احنا نستفاد منها ، وفعلا انا اتعلمت من الطريقة دي لانها سهلة جدا

جزاكي الله كل خير

شكرا جدا على الموضوع
يا جد
جزاكى الله خيرا

مشكورة وجزاكى الله الخير كله