النملة

قصة النملة اللي فيها فشل كلوي وعالجتها ....

قبل سنتين اشترينا سكانر ( ماسح ضوئي ) وأول ماشريناه كنت فرحان .. أي ورقة ألقاها أدخلها بالسكانر وبينما أنا كذلك <= = يمديكم على اللغة .. وأنا ألقى نملة قاعدة تمشى بالغرفة

الظاهر إنها مسوية شوبنق .. وأنا آخذها وأحطها بالسكانر وأكبر صورتها 1600 أكبر حجم وألقى الجهة اليمنى عندها فيها بعج .. وأنا أسوي قص للجلد وألقى الكلوة رايحة فيها .. وأنا أ

طلع بالحوش وأجيب نملة ثانية وأدخلها بالسكانر وأحطها في برنامج اسمه سبيكنق <<لاتقولون شنو هذا ماني قايل
المهم:وأقول لها ممكن تتبرعين بكلوة لمريضة في حالة ة ..

قالت : الله يرجك .. أنا ألحين رايحة للمستشفى عشان أسوي غسيل كلى ..

وأنا أقول : لاحول ولا قوة إلاّ بالله .. ألحين صار عندي نملتين فيهم فشل كلوي ..

وأنا أطلع عند الحوش مرة ثانية – بس هالمرة عندي عدسة – وألقى نملة منتفة وجالسة لحالها

وأنا آخذها وأحطها بالجهاز وأدخلها برنامج سبيكنق وأقول لها لوسمحت ممكن سؤال ؟
قالت : آمري ؟

قلت : ليش جالسة لحالك ؟
قالت : أنا فقيرة ودايم أشحد من النمل لين طفشوا مني وهم يطردوني من القرية .

قلت : وش رايك أعطيك خيشة سكر ؟
قالت : تكفين ..

قلت : بشرط !!
قالت : اطلب كلي اذان صاغيه خخخ

قلت : تتبرعين بوحدة من كلاويتس لنمملة عندي ؟
قالت : o.k

وأنا أفتح بطنها وأسوي لكلوتها قص وأنسخ منها ثنتين وأعطي وحدة النملة القديمة وحدة النملة الجديدة

.. وهم يطلعون من عندي مستانسين .. ويوم جاء الليل وأنا أروح أسوي شاي بس مالقيت سكر .. وأروح للنملة وأقول لها : بالله عطيني سكر !

قالت : دا بعدك .
قلت : تكفين ..

قالت : بشرط ؟
قلت : وشنهو الشرط ؟

قالت : اليوم بيجوني نمل من بيت جيرانكم ودي أقلطهم عندك في البيت ..
قلت : مافيه مشكلة ..

قالت : خلاص ،، خذ لك ملعقتين سكر ولا تكثر تراني أشوفك .(

وفي اليوم التالي :

جونا نمل من بيت جارنا .. والنملة تناديني وتقول تراني مسوية تمايم اليوم ارسل سواقكم لأقرب مطعم

وخله يجيب لنا مفطحين .. عشان ألي جاني ولد ..

قلت : ماشي .. وأنا أروح أقول للسواق جيب لهم مفطحين .. وكل شوي تناديني : .. جبيب القهوة .. جبيب الشاهي .. وأنا رايح جاي .. يوم انتهت العزيمة ووحدة من النمل الضيوف

تقول : بكرة السهرة عندي .. قالت نملتي : الله يعينك ؟ <= = يعني موافقة .

وفي اليوم التالي :

راحت نملتي عند جيراننا على الغداء .. وأنا قاعد أبكي على حظي في البيت .. وشوي وإلاّ ألقى صرصور

.. وأنا أقول له : ورع ؟
وهو يقول : نعم ؟

قلت : وش اسمك ؟
قال : وش دخلك ؟

قلت : آسف إني تدخلت بخصوصياتك .. بس ممكن طلب ؟
قال : تفضل .

قلت : أنا سالفتي كذا وكذا .. وأبغاك تآكل النملة الليلة ؟
قال : خلاص .. بس بشرط ؟

قلت: وش الشرط ؟
قال: حمام الرجال أبغى أحجزه لمدة أسبوع .

قلت : موافق .
وبعد قليل وهي تجي النملة مالية بطنها وتقول : ألحين راح أقيل وبعد ماأقوم شوف لي الحمام

أبي آخذ شور <= = يعني تبي تتسبح ..
وأنا أقول : حاضر سيدتي .. وأغمز للصرصور ..

وفي هذه الأثناء : راح الصرصور لأخوياه وقال لهم : الليلة عازمكم على صيدة .. وهم يندسون ورى باب الحمام
..

والنملة أول ماقامت من النوم راحت للحمام تبي تآخذ شور على قولتها .. وهم يهجمون عليها هجمة رجل واحد .. وهم يكلونها ..

وفي اليوم التالي :

مع الصبح أسمع قرقعة بالحمام وأروح أشوف وألقى الصرصور هو وأخوياه يلعبون بلوت ..
جتني سكتة قلبية

.. وأنا أقول لازم اتخلص منه بأي طريقة .. وبعد تفكير عميق .. وأنا أدخل عليهم .. وهو يقول لي : خير يالحبيب؟؟<<كنايه عن الازعاج .

قلت : أبد بس ودي أفتح الدريشة عشان تهوون شوي .

قال: ياخوي عاجبتني الريحة .

قلت : عشان خاطري .

قال : يلله بسرعة افتحها ولا أشوفك بالحارة بعدين .. فاهم ؟
وأنا أقرب من الدريشة كني بفتحها وأسحب السيفوووووووووووووون

وهو يقول : غدرت بي .. غدرت بي . حسبي الله عليك.

وأنا أقول له : لو سمحت لاتقول اسم الله بالحمام .


وأنا أروح سيدا للسكانر وأكسرة أرباً إرباً لأنه هو السبب .. وهكذا عشت حياة سعيدة !!



مايستفاد من القصه :
1\لاتشتري سكنر الاوانت عندك برنامج سبيكنق
2\ لاتنسى ان تترك علبه بف بفاف وتكون بعيده عن متناول الاطفاااااااال<<<اموووت على اللغه
3\ معكم سكر؟؟؟ خخخخخخخخخ
4\لاتنسون الردود خخخخ
5\اذا عجبتكم القصه قيموني
6\ترى الموضوع ملطوش لطشه بعد التعديل هههههه